Elektron navbat tizimi
Nmatic navbatni chipta olishdan baho berishgacha boshqaradi. Mijoz kioskdan chipta oladi, raqamini zal ekranida ko‘radi va o‘zbekcha ovozli e’lonni eshitadi, navbatini telefonda kuzatib turadi. Siz esa har bir xizmatni raqamlarda ko‘rasiz.
Qanday ishlaydi
Nmatic navbatning har bir bosqichini o‘z zimmasiga oladi: mijoz nima qilishini, xodim kimni chaqirishini biladi, rahbar esa hammasini ko‘radi.
Mijoz kioskda xizmatni tanlaydi va raqamli chipta oladi. Chiptadagi QR-kod navbatni telefonga ulaydi.
Raqam zal ekranida chiqadi. Telefonda oldinda necha kishi borligi va taxminiy kutish vaqti ko‘rinib turadi.
Operator «Keyingi»ni bosadi: ekranda raqam va oyna chiqadi, ovoz e’lon qiladi, telefon titraydi.
Xizmatdan keyin mijoz 1 dan 5 gacha yulduz bilan baholaydi. Natija darhol statistikaga tushadi.
Kiosk
Katta tugmalar, tushunarli matn, uch til. Kiosk har bir xizmatda nechta odam kutayotganini va taxminan qancha kutish kerakligini oldindan ko‘rsatadi. Chipta termoprinterda chiqadi yoki ekranda QR-kod bilan ko‘rinadi.
Zal displeyi va ovoz
Chaqirilgan raqam butun zalga ko‘rinadigan katta shriftda chiqadi, jonli o‘zbekcha ovoz esa uni e’lon qiladi. Navbatdagilar, oldingi chaqiruvlar va har bir oynaning holati bitta ekranda.
«A o‘n besh raqamli mijoz, uchinchi oynaga marhamat»
Operator paneli
Operator bitta ekranda ishlaydi: «Keyingi», «Qayta chaqirish», «Yakunlash», «Kelmadi», «O‘tkazish» — hammasi klaviaturadan ham. Navbatdagilar, ularning kutish vaqti va kunlik natija doim ko‘z oldida.
Telefonda kuzatish
Chiptadagi QR-kodni skanerlagan mijoz navbatini telefonda jonli kuzatadi. Navbat yaqinlashganda va chaqirilganda telefon titraydi, Telegram bot xabar yuboradi. Mijoz bemalol o‘z ishini qilib, vaqtida qaytadi.
Chipta B007: navbatingiz yaqinlashdi, oldingizda 1 kishi qoldi. Oyna yoniga keling.
Chipta B007: sizni chaqirishdi! 5‑oynaga boring.
Statistika va hisobotlar
Kutish va xizmat vaqti xizmatlar, operatorlar, oynalar, soatlar va kunlar bo‘yicha. Yuklama jadvali eng band soatlarni ko‘rsatadi — qachon ko‘proq xodim kerakligini aniq bilasiz. Hisobot bir tugma bilan Excel faylga tushadi.
Yana nimalar bor
Bitta serverda istalgancha filial. Xodim faqat o‘z filialini ko‘radi, rahbar esa hammasini ko‘radi va taqqoslaydi.
Nogironligi bor fuqarolar, faxriylar, homiladorlar, yosh bolali va keksalar uchun. Toifa ekranga chiqmaydi.
Kim qachon chaqirilishini bitta qoida belgilaydi. Hech kim navbatni chetlab o‘ta olmaydi.
Mijozga navbati yaqinlashgani, chaqirilgani va xizmat tugagani haqida xabar.
Oldindan yozilganlarga Eskiz.uz orqali tasdiq va qabul eslatmasi — faqat kunduzi.
MIS, CRM va boshqa tizimlar yozilishlar va chiptalar bilan REST API orqali ishlaydi.
Tarmoq va USB termoprinterlar, kirill va lotin, QR-kod, avtokesish.
Interfeys, chipta, ovoz va xabarlar mijoz tanlagan tilda.
Har kuni 23:00 da baza avtomatik zaxiralanadi. Tiklash — bitta buyruq.
Tizim tashkilot ichidagi tarmoqda ishlaydi. Internet uzilsa ham navbat to‘xtamaydi.
Administrator, operator va registratura rollari, parol siyosati, ma’lumotlar sizning serveringizda.
Yangi versiya bitta buyruq bilan. Internetsiz serverlar uchun offline arxiv.
Klinikalar uchun
Klinika rejimi sozlamalarda yoqiladi: ekranlarda «mijoz» o‘rniga «bemor», «oyna» o‘rniga «xona» deyiladi. Bemor shifokorni o‘zi tanlaydi, xona eshigidagi tablo navbatni ko‘rsatadi, registratura esa hammasini boshqaradi.
Kioskda avval yo‘nalish, keyin shifokor: kim qabul qilyapti, qaysi xonada va nechta bemor kutmoqda. Yoki «Istalgan shifokor» — kim birinchi bo‘shasa.
Har bir xona eshigi tepasida: xona raqami, shifokor, holati (qabulda yoki tanaffusda), hozirgi va keyingi raqamlar.
Keksa va shoshilinch bemorlarga talon, toifa yoki xonani o‘zgartirish, bekor qilish, oldindan yozish.
Shifokor bemorni laboratoriyaga yuboradi. Tahlildan keyin bemor o‘sha raqam bilan shifokorga birinchi bo‘lib qaytadi.
Har bir xona uchun qabul jadvali. Bemor kioskda 6 xonali kodni kiritadi va vaqti kelganda jonli navbatdan oldin chaqiriladi.
Bemor telefondan bo‘sh vaqtni tanlaydi, registratura tasdiqlaydi. Telegram va SMS orqali eslatma.
Xizmat va xona uchun ish kunlari, soatlari va kunlik talonlar soni. Limit bir vaqtda kelgan so‘rovlarda ham oshmaydi.
Ekranlarda faqat raqam. Ism va telefonlar belgilangan muddatdan keyin avtomatik o‘chiriladi.
Sohalar
Nmatic xizmat ko‘rsatish zali bor har qanday tashkilotga mos keladi. Xizmatlar, oynalar va tartib sizning ishingizga qarab sozlanadi.
Kassa, kredit, karta va valyuta uchun alohida navbatlar. Imtiyozli mijozlarga alohida tartib.
Ko‘p xizmatli zalda tartib, hujjat topshirish va olish navbatlari, fuqarolar bahosi.
Shifokorni tanlash, eshik tablolari, laboratoriya, oldindan va onlayn yozilish.
Tahlil topshirish va natija olish, UZI va boshqa tekshiruv xonalari.
Maslahat va hujjat qabulida adolatli navbat, xodimlar yuklamasi nazorati.
SIM-karta, tarif va texnik yordam bo‘yicha ofislardagi navbatlar.
Gaz, elektr va suv bo‘yicha to‘lov, shartnoma va murojaatlar.
Qabul komissiyasi, dekanat, buxgalteriya va hujjatlar bo‘limi.
Polis rasmiylashtirish, to‘lovlar va maslahat.
Servisga qabul, ehtiyot qismlar va kassa navbatlari.
Hujjat topshirish va olish, ko‘p oynali zallar.
Jo‘natma qabul qilish va topshirish, to‘lovlar.
Sohangiz ro‘yxatda yo‘qmi? Ariza qoldiring — tizimni aynan sizning ishingizga moslab ko‘rsatamiz. Ariza qoldirish
Foydasi
«Men oldin keldim» bahslari tugaydi. Har kim o‘z raqamini va navbatini biladi.
Navbatni telefonda kuzatgan mijoz zalda o‘tirmaydi: o‘z ishini qilib, vaqtida qaytadi.
Kim qancha mijozga va qancha vaqtda xizmat ko‘rsatgani aniq raqamlarda ko‘rinadi.
Yuklama jadvali eng band soat va kunlarni ko‘rsatadi: xodimlarni kerakli vaqtga qo‘yasiz.
Har bir xizmatdan keyin baho va izoh. Muammoni shikoyat tushmasdan oldin ko‘rasiz.
Kiosk, katta ekran va ovozli e’lon — tashkilotingiz yirik xalqaro kompaniyalardek ko‘rinadi.
Tartibni tizim belgilaydi, tanish-bilish emas. Imtiyozlar faqat qoidaga ko‘ra.
Tizim sizning serveringizda ishlaydi: mijozlar haqidagi ma’lumotlar tashkilotdan chiqmaydi.
Jonli o‘zbekcha ovoz, mahalliy SMS (Eskiz.uz) va Telegram, o‘zbek, rus va ingliz tillari. O‘rnatish, o‘qitish va texnik yordam — Samarqanddagi jamoamizdan.
Kalit topshirish
Nmatic’ni SAM Smart Security Service jamoasi o‘rnatadi: obyektni ko‘rishdan tortib xodimlarni o‘qitishgacha.
Zalingiz, xizmatlaringiz va mijozlar oqimini o‘rganamiz. Samarqand shahrida bepul.
Qaysi uskunalar kerakligi, qayerga o‘rnatilishi va narxini aniq yozib beramiz.
Kiosk, televizorlar, termoprinterlar, server va tarmoq — yetkazib beramiz yoki mavjudlaridan foydalanamiz.
Kabel, tarmoq, dastur, ovoz, xizmatlar va oynalar — ishga tayyor holda topshiramiz.
Operatorlar, registratura va administratorlarni ish joyida o‘rgatamiz.
O‘rnatish ishlariga 12 oy kafolat, uskunalarga ishlab chiqaruvchi kafolati.
Ishlab chiquvchi
2018 yildan beri korxonalar uchun kompleks xavfsizlik va IT yechimlari: videokuzatuv, kirish nazorati, korporativ tarmoqlar, serverlar va dasturiy ta’minot. Nmatic — jamoamizning o‘z mahsuloti.
samsmart.uz saytiga o‘tishTexnik tafsilotlar
Narx
Nmatic narxi filiallar, oynalar va xonalar soniga, kerakli uskunalar va qo‘shimcha imkoniyatlarga bog‘liq. Ariza qoldiring — sizga mos taklif tayyorlaymiz.
To‘lov: naqd, Uzcard va Humo kartalari yoki bank o‘tkazmasi. Yuridik shaxslar uchun QQS bilan hisob-faktura.
Taklif olishSavollar
Yo‘q. Nmatic tashkilotingiz ichidagi lokal tarmoqda ishlaydi. Internet faqat Telegram xabarlari, SMS va onlayn yozilish uchun kerak. U uzilsa ham navbat ishlashda davom etadi.
Ha. Displey uchun brauzeri bor televizor yoki unga ulangan mini-PC, operator uchun oddiy kompyuter yetarli. Kerak bo‘lsa uskunalarni o‘zimiz yetkazib beramiz.
Dasturning o‘zi bir necha daqiqada o‘rnatiladi. Uskunalarni joylashtirish va sozlash muddati obyektga bog‘liq — ko‘rikdan keyin aniq aytamiz.
Cheklov yo‘q: bitta serverda bir nechta filial, har birida kerakli miqdorda xizmat va oyna.
Sizning serveringizda. Mijozlar va bemorlar haqidagi ma’lumotlar tashkilotdan tashqariga chiqmaydi, zaxira nusxalar ham sizda qoladi.
O‘zbek tilida — yozib olingan jonli ovoz bilan: 999 gacha raqam, oyna va xona. Rus va ingliz tillarida — qurilmaning nutq sintezi bilan.
58 yoki 80 mm termoprinterda: tarmoqqa ulangan yoki kiosk kompyuteriga USB orqali. Printersiz ham ishlaydi — raqam ekranda va telefonda ko‘rinadi.
Ha. REST API va webhook’lar orqali MIS, CRM va boshqa tizimlar yozilishlar va chiptalar bilan ishlaydi.
O‘rnatish ishlariga 12 oy kafolat beramiz, uskunalarga ishlab chiqaruvchi kafolati amal qiladi. Savol tug‘ilsa, telefon yoki Telegram orqali bog‘lanasiz.
Ha. Ariza qoldiring — kiosk, zal displeyi va operator panelida qanday ishlashini jonli ko‘rsatamiz.
Ariza
Tashkilotingiz haqida qisqacha yozing. Mutaxassisimiz siz bilan bog‘lanib, taqdimot kunini kelishadi va narx taklifini tayyorlaydi.